Կրեմլը մեկնաբանել է Պուտին–Թրամփ բանակցությունները

Կրեմլը միշտ պաշտոնապես տեղեկացնում է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև տեղի ունեցող հեռախոսազրույցների մասին։ Այս մասին հայտնում է РИА Новости-ն՝ հղում անելով ՌԴ նախագահի մամուլի քարտուղար Դմիտրի Պեսկովի հայտարարությանը։

Պեսկովը նշել է, որ յուրաքանչյուր նման շփման մասին հրապարակվում են հաղորդագրություններ, ինչպես նաև նախագահի միջազգային հարցերով օգնական Յուրի Ուշակովը ներկայացնում է մանրամասներ և բրիֆինգներ՝ լրագրողների համար։ Նրա խոսքով՝ տեղեկատվությունը մշտապես հասանելի է հանրությանը պաշտոնական աղբյուրների միջոցով։

Ավելի վաղ՝ ապրիլի 26-ին, ԱՄՆ նախագահ Դոնալդ Թրամփը հայտարարել էր, որ կապ է հաստատել Վլադիմիր Պուտինի հետ և վարում է բանակցություններ։ Նա նաև նշել էր, որ կապի մեջ է Ուկրաինայի նախագահ Վլադիմիր Զելենսկու հետ՝ փորձելով նպաստել ուկրաինական հակամարտության կարգավորմանը՝ ընդգծելով, որ հավատում է դրա հնարավորությանը։