Շվեդիայում սկսվել են զորավարժություններ՝ Ուկրաինայի ներկայացուցիչների մասնակցությամբ

Շվեդիայի զինված ուժերը սկսել են իրենց ամենամեծ ազգային վարժանքները՝ «Ավրորա 26»-ը, որոնց մասնակցում են ՆԱՏՕ-ի երկրների զորքերը և Ուկրաինայի ներկայացուցիչները։

«Մի քանի երկրների դաշնակիցներ ժամանել են անցյալ շաբաթ։ Շվեդիայի գլխավորությամբ «Ավրորա 26» վարժանքներն այժմ սկսվել են», - հայտնել է Շվեդիայի զինված ուժերի մամուլի ծառայությունը։

Զորավարժություններին մասնակցում է ավելի քան 16,000 շվեդ զինծառայող, նավաստի և սպա, ինչպես նաև մոտ 1,500 օտարերկրյա զինծառայող։

Արտասահմանյան մասնակիցների թվում են զորքեր ԱՄՆ-ից, Կանադայից, Մեծ Բրիտանիայից, Ֆրանսիայից, Նիդեռլանդներից, Գերմանիայից, Դանիայից, Նորվեգիայից, Ֆինլանդիայից, Էստոնիայից և Լատվիայից։

Զորավարժությունները կտևեն մինչև մայիսի 13-ը։ «Շեշտը կդրվի Շվեդիայի և Դաշինքի տարածքների պաշտպանության, ինչպես նաև ռազմավարական նշանակություն ունեցող տարածքների [պաշտպանության] ամրապնդման վրա», - հավելել է նախարարությունը։