Մեկնարկել է նոտարների թեկնածուների որակավորման ստուգման առաջին փուլը
Հասարակություն
Արդարադատության նախարարությունը մեկնարկել է 2026 թվականին հայտարարված՝ նոտարների թեկնածուների որակավորման ստուգման առաջին փուլը։
2026 թվականի ապրիլի 21-ին անցկացվել է «Տավուշի մարզ» (նստավայր՝ ք. Դիլիջան), «Կոտայքի մարզ» (նստավայր՝ ք. Աբովյան), «Շիրակի մարզ» (նստավայր՝ ք. Գյումրի) և «Գեղարքունիքի մարզ» (նստավայր՝ ք. Մարտունի) նոտարական տարածքների նոտարի թափուր պաշտոնները համալրելու նպատակով հայտարարված որակավորման ստուգման առաջին փուլը։
Արդարադատության նախարարի տեղակալ, նոտարների թեկնածուների որակավորման հանձնաժողովի նախագահ Տիգրան Դադունցը, մասնակիցներին մաղթելով հաջողություն նշել է, որ Արդարադատության նախարարությունը և մասնավորապես որակավորման հանձնաժողովը արել և անելու է ամեն հնարավորը, որպեսզի որակավորման ստուգման յուրաքանչյուր փուլ՝ սկսած առաջադրանքների մշակման փուլից մինչև գնահատման վերջնական արդյունքների ամփոփումը, կազմակերպված լինի բացառապես օբյեկտիվության, հավասարության, անկողմնակալության և
արդարության սկզբունքների հիման վրա։
Առաջին փուլին մասնակցել է նոտարի 44 թեկնածու։ Գործնական առաջադրանքները բաղկացած են եղել 5 իրավիճակային խնդիրներից՝ համապատասխան հարցադրումներով, որոնց լուծման համար տրամադրվել է 3 ժամ։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
