Ռուսաստանի միջազգային հումանիտար համագործակցության դաշնային գործակալության ղեկավար Եվգենի Պրիմակովը հրաժարական է տվել, ղեկավար է նշանակվել Իգոր Չայկան

Չայկան նշանակվել է Ռուսաստանի միջազգային հումանիտար համագործակցության դաշնային գործակալության ղեկավար, Պրիմակովը՝ ազատվել պաշտոնից

Ռուսաստանի նախագահ Վլադիմիր Պուտինի հրամանագրով Ռուսաստանի միջազգային հումանիտար համագործակցության դաշնային գործակալության ղեկավար է նշանակվել Իգոր Չայկան։ Մեկ այլ հրամանագրով պաշտոնից ազատվել է Եվգենի Պրիմակովը։ Հրամանագրերը հրապարակվել են երկուշաբթի։

«Ռանյշե վսեխ. Նու պոչտի» հարթակի հարցմանը՝ իր պաշտոնանկության վերաբերյալ տեղեկությունը հաստատելու խնդրանքին ի պատասխան, Պրիմակովը արձագանքել է մեկ նախադասությամբ՝ «Դոբբին ազատ է»։ Իր տելեգրամյան ալիքում նա առայժմ չի մեկնաբանել հրաժարականը։

Գործակալությունը գործում է Ռուսաստանի արտաքին գործերի նախարարության համակարգում և համակարգում է «Ռուսական տներ»-ի՝ ռուսական գիտության և մշակույթի կենտրոնների գործունեությունը աշխարհի տասնյակ երկրներում։ Հատկապես արևմտյան երկրներում դրանց հասցեին հնչում են մեղադրանքներ ռուսական քարոզչություն տարածելու վերաբերյալ։ Ռուսաստանի կողմից Ուկրաինա ներխուժումից հետո գործակալությունը հայտնվել է պատժամիջոցների ցուցակներում, սակայն կենտրոնների մեծ մասը շարունակում է գործել։