Մերցը խոսել է Ուկրաինայի՝ ԵՄ անդամակցության «գնի» մասին
Աշխարհ
Գերմանիայի կանցլեր Ֆրիդրիխ Մերցը չի բացառել, որ Ուկրաինան կարող է ստիպված լինել ճանաչել որոշ տարածքների կորուստը՝ Ռուսաստանի հետ հնարավոր խաղաղ համաձայնագրի շրջանակում։ Այս մասին հայտնում է Reuters-ը՝ ներկայացնելով նրա հայտարարությունը։
Մերցի խոսքով՝ ապագայում հնարավոր է, որ Կիևը նախ կնքի հրադադարի, ապա՝ խաղաղության պայմանագիր Մոսկվայի հետ, ինչի արդյունքում որոշ տարածքներ այլևս չհամարվեն ուկրաինական։ Նա նաև նշել է, որ Ուկրաինայի նախագահ Վլադիմիր Զելենսկին պետք է միաժամանակ առաջարկի իր քաղաքացիներին եվրոպական ինտեգրման հստակ հեռանկար՝ նման որոշումները հանրությանը ներկայացնելու համար։
Կանցլերը նաև ընդգծել է, որ Ուկրաինայի արագ անդամակցությունը Եվրամիությանը քիչ հավանական է՝ այդ թվում 2028 թվականը համարելով ոչ իրատեսական ժամկետ։ Նրա առաջարկով՝ որպես միջանկյալ տարբերակ կարող է քննարկվել Ուկրաինային դիտորդի կարգավիճակ տրամադրելը ԵՄ կառույցներում։


















































Ամենադիտված
Ջուր հավաքեք. բազմաթիվ հասցեներում երկար ժամանակ ջուր չի լինելու