Գիտնականները բացահայտել են քնի և հիշողության խանգարումների անսպասելի պատճառը

Ատոպիկ դերմատիտը կարող է կապված լինել ոչ միայն մաշկային խնդիրների, այլև քնի և հիշողության խանգարումների հետ։ Այս եզրակացությանն են եկել գիտնականները, որոնց ուսումնասիրությունը հրապարակվել է Dermatitis գիտական ամսագրում։

Հետազոտությանը մասնակցել է 78 մեծահասակ, և պարզվել է, որ նրանցից 77%-ը տառապում է քնի խնդիրներից, իսկ 64%-ի մոտ առկա են հիշողության խանգարումներ։ Ընդ որում՝ ախտանիշների ծանրությունը կախված է հիվանդության աստիճանից․ որքան ծանր է դերմատիտը, այնքան երկար է տևում քնելը և այնքան քիչ է ընդհանուր քնի տևողությունը՝ ծանր դեպքերում միջինում մոտ 4.5 ժամ։

Գիտնականները պարզել են, որ վատ քունը անմիջականորեն կապված է ճանաչողական խնդիրների հետ՝ ուշադրության կենտրոնացման, հիշելու և տեղեկատվությունը վերարտադրելու դժվարություններով։ Վիճակագրորեն ցույց է տրվել, որ վատ քունը ավելի քան չորս անգամ մեծացնում է հիշողության խանգարումների ռիսկը, իսկ ցերեկային հոգնածությունը՝ ավելի քան երեք անգամ։ Հետազոտության հեղինակները նաև ընդգծում են, որ քնի և հիշողության խնդիրները փոխկապակցված են և կարող են ուժեղանալ միմյանցով՝ կապված մշտական քորի, բորբոքման և անհարմարության հետ։