Սև ծովի ափին հայտնված դելֆինների պատճառը պարզաբանվել է

Սև ծովի ափերին հայտնված դելֆինների և այլ ծովային կաթնասունների մեծ մասը, հավանաբար, դուրս է նետվել ձմեռային ուժեղ փոթորիկների հետևանքով։ Այս մասին РИА Новости-ին հայտնել է գիտաշխատող Վարվառա Լևիցկայան։

Մասնագետի խոսքով՝ տեղի ունեցածը չի կարելի համարել դասական «զանգվածային արտանետում», քանի որ խոսքը վերաբերում է մանրակրկիտ ուսումնասիրված ափամերձ հատվածի, որտեղ հաշվառվել են բոլոր հայտնաբերված կենդանիները։ Նա ընդգծել է, որ իրական պատկերը գնահատելու համար անհրաժեշտ են պարբերական դիտարկումներ ամբողջ ափագծով։

Տվյալների համաձայն՝ առավել մեծ քանակ՝ մոտ 30 կենդանի, հայտնաբերվել է Բուգազի թերակղզու հատվածում։ Ավելի վաղ հաղորդվել էր, որ ընդհանուր առմամբ հայտնաբերվել է ավելի քան 130 մահացած կաթնասուն։ Փորձագետները նշում են, որ բացի փոթորիկներից, հնարավոր պատճառների թվում են նաև ձկնորսական ցանցերը և ծովում աշխատող տրալերները, որոնք վտանգ են ներկայացնում դելֆինների համար։