Զելենսկու նախկին համախոհը գնահատել է Մերցի՝ ուկրաինական տարածքները զիջելու մասին դիտարկումները

Գերմանիայի կանցլեր Ֆրիդրիխ Մերցի՝ Ուկրաինայի կողմից տարածքների զիջման մասին արված մեկնաբանությունները վերջնագիր են նախագահ Վոլոդիմիր Զելենսկիին։ Այս մասին հայտարարել է Ուկրաինայի առաջնորդի նախկին մամուլի քարտուղար Յուլիա Մենդելը X սոցիալական ցանցի իր էջում։

«Մերցը բացահայտորեն ընդունեց այն, ինչ շատերն են շշնջում Եվրոպայում. Ուկրաինան կարող է ստիպված լինել ընդունել իր տարածքի մի մասի անդառնալի կորուստը՝ որպես Ռուսաստանի հետ ապագա խաղաղության համաձայնագրի մաս», - գրել է Մենդելը։

Նրա խոսքով՝ Մերցի հայտարարությունը Բեռլինից հստակ ուղերձ էր այն մասին, որ տարածքային զիջումները կարող են լինել Ուկրաինայի եվրոպական ապագայի գինը։