Թմրամիջոց իրացնող 27-ամյա օտարերկրացուն հայտնաբերել են Մյասնիկյան պողոտայում

ՆԳՆ-ից հայտնում են թմրամիջոցներ իրացնող օտարեկրացու հայտնաբերման մասին.

«Քրեական ոստիկանության Երևան քաղաքի վարչության անձի հետախուզման բաժնի ծառայողները օպերատիվ-հետախուզական միջոցառումների արդյունքում ապրիլի 27-ին Մյասնիկյան պողոտայի հասցեներից մեկի մոտ հայտնաբերել և վարչություն են տեղափոխել օտարերկրյա քաղաքացի 27-ամյա մի երիտասարդի, որը ապրիլի 22-ից հետախուզվում էր թմրամիջոցների իրացման մեղադրանքով․ խափանման միջոցը՝ կալանք»։