PS5-ում նոր սահմանափակում․ խաղերը կարող են չաշխատել առանց ինտերնետի

PlayStation 5-ի համար նախատեսված նոր թարմացման մեջ հայտնաբերվել է գործառույթ, որը կարող է արգելափակել խաղերի գործարկումը, եթե սարքը երկար ժամանակ չի միացվել ինտերնետին։ Այս մասին հայտնել են խաղային հանրահայտ «Does it play?» նախագծի հեղինակները՝ հղում անելով մարտին թողարկված firmware-ի փոփոխություններին։

Նոր համակարգը, ենթադրաբար, կապված է DRM պաշտպանությամբ և նախատեսված է ստուգելու՝ արդյոք խաղը պաշտոնապես գնված է։ Եթե կոնսոլը մոտ 30 օր չի միանում ինտերնետին, այն կարող է պահանջել կապ հաստատել՝ լիցենզիան վերահաստատելու համար։ Հակառակ դեպքում խաղերի գործարկումը կարող է արգելափակվել, ինչը դժգոհություն է առաջացրել օգտատերերի շրջանում։

Խաղային լրատվամիջոց IGN-ը նշել է, որ նույնիսկ Sony-ի աշխատակիցները ամբողջությամբ տեղեկացված չեն նոր ֆունկցիայի մասին, ինչը լրացուցիչ անորոշություն է ստեղծում։ Միևնույն ժամանակ ընկերությունը դեռ պաշտոնական պարզաբանում չի ներկայացրել։ Նշվում է նաև, որ մայիսի 1-ից PS5 կոնսոլների գները կբարձրանան Հարավային Կորեայում և Հարավարևելյան Ասիայում՝ ԱՄՆ-ում և Եվրոպայում արդեն գրանցված թանկացումից հետո։