Schiaparelli-ի «շոկային» կոշիկները զայրացրել են համացանցը․ «Դուք խելագարվե՞լ եք»

Իտալական նորաձևության տունը Schiaparelli կրկին հայտնվել է քննադատությունների կենտրոնում՝ ներկայացնելով կենդանիների գլխի ձևով կոշիկներ։ Նոր մոդելը ներառված է 2026–2027 աշուն-ձմեռ «The Sphynx» հավաքածուում և առանձնանում է շան գլխի դիզայնով, որը, ըստ բրենդի, պատրաստված է ձեռքով՝ խեժից։

Համացանցում օգտատերերը կոշտ են արձագանքել նորարարությանը՝ այն անվանելով «վախեցնող» և «անհեթեթ»։ Շատերը գրել են, որ նման դիզայնը անընդունելի է, իսկ որոշ մեկնաբանություններում այն նույնիսկ համեմատվել է սադիզմի հետ՝ ընդգծելով, որ կենդանիների պատկերների նման օգտագործումը նորաձևության մեջ տեղին չէ, նույնիսկ եթե դրանք իրական չեն։

Սա առաջին դեպքը չէ, երբ Schiaparelli-ն բախվում է նման արձագանքի։ Ավելի վաղ բրենդը քննադատության էր արժանացել նաև կենդանիների գլխով կոշիկների մեկ այլ տարբերակի՝ կատվի դիզայնով մոդելի համար, ինչը ևս լայն քննարկումների պատճառ էր դարձել սոցիալական ցանցերում։