Սերբիան բանակցում է Ուկրաինայի հետ՝ պարարտանյութերի մատակարարման շուրջ

Սերբիան մտադիր է համաձայնագրեր կնքել Ուկրաինայի հետ՝ գյուղատնտեսական ոլորտի համար պարարտանյութերի մատակարարման նպատակով։ Այս մասին հայտարարել է երկրի նախագահ Ալեքսանդր Վուչիչը՝ ընդգծելով, որ բանակցություններ են ընթանում նաև ազատ առևտրի և բարտերային գործարքների շուրջ։

Վուչիչի խոսքով՝ Բելգրադը փորձում է ապահովել սերբ ֆերմերներին անհրաժեշտ պարարտանյութերով, սակայն բախվում է մի շարք դժվարությունների։ Նա նշել է, որ գլոբալ իրավիճակը բարդանում է, և դա անմիջական ազդեցություն ունի գյուղատնտեսության վրա։

Ավելի վաղ բրիտանացի վերլուծաբան Ալեքսանդր Մերկուրիս-ը կարծիք էր հայտնել, որ Եվրամիության քաղաքականությունը երկարացնում է Ուկրաինայի շուրջ հակամարտությունը՝ չտալով ակնկալվող արդյունքները Ռուսաստանի թուլացման հարցում։