Մեծ է հավանականությունը, որ տիեզերագնացները Լուսնի վրա վայրէջք կկատարեն մինչև 2029 թվականը

ԱՄՆ նախագահ Դոնալդ Թրամփը հայտարարել է, որ ամերիկացի տիեզերագնացների՝ Լուսնի վրա վայրէջք կատարելու մեծ հավանականություն կա մինչև 2029 թվականը, երբ ավարտվի իր երկրորդ ժամկետը։

Նա այս դիրքորոշումը ներկայացրել է Սպիտակ տան Օվալաձև աշխատասենյակում «Արտեմիս 2» լուսնային առաքելության անձնակազմի հետ հանդիպման ժամանակ լրագրողների հարցերին պատասխանելիս։

«Մենք լավ հնարավորություն ունենք», – ասել է նա՝ պնդելով, որ այս ճակատում աշխատանքները «գրաֆիկից առաջ են ընթանում»։ Միևնույն ժամանակ, NASA-ի ադմինիստրատոր Ջարեդ Այզեքմանը նշել է, որ NASA-ն հանձնառու է լուսնային վայրէջքի «իրագործելի ծրագրին»։ «Մենք վերսկսել ենք լուսնային հրթիռների արձակումը լավ տեմպերով։

«Արտեմիս 2» առաքելությունը հենց նոր ավարտեց լուսնային անցումը։ 2027 թվականին մենք կարձակենք «Արտեմիս 3»-ը, իսկ 2028 թվականին կպահպանենք երկու հնարավորություն՝ տիեզերագնացներ Երկրի բնական արբանյակի մակերեսին վայրէջք կատարելու համար», – ասել է նա։

Մեկնաբանելով NASA-ի գլխավոր գրասենյակը Վաշինգտոնից տեղափոխելու հնարավորությունը, ամերիկացի առաջնորդը նշել է այն ներկայիս վայրում պահելու առավելությունները։