Կանադայի իշխանությունները մերժել են Իրանի ֆուտբոլի ֆեդերացիայի ղեկավարի մուտքը երկիր

Կանադայի իշխանությունները մերժել են մուտքը Իրանի ֆուտբոլի ֆեդերացիայի նախագահ Մեհդի Թաջին և կազմակերպության երկու այլ ներկայացուցիչների, հայտարարել է Կանադայի արտաքին գործերի նախարար Անիտա Անանդը։

Դեպքը տեղի է ունեցել Տորոնտոյի օդանավակայանում երեքշաբթի, տեղական ժամանակով։ Ֆեդերացիայի ներկայացուցիչները մեկնում էին Կանադա՝ մասնակցելու ՖԻՖԱ-ի կոնգրեսին, որը տեղի կունենա Վանկուվերում ապրիլի 30-ին։ Իրանական լրատվամիջոցների փոխանցմամբ՝ Թաջը վիզա է ստացել երկուշաբթի օրը։ Մերժումը կարող է պայմանավորված լինել նրա կապերով Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ուժ) հետ, որը Կանադայում համարվում է ահաբեկչական կազմակերպություն։

«Սա իմ անձնական տեղեկությունները չեն, բայց իմ հասկացողությամբ՝ թույլտվությունը չեղյալ է հայտարարվել։ Դա միտումնավոր չէր, բայց ես կթողնեմ (Կանադայի քաղաքացիության և ներգաղթի նախարարին) հրահանգ տալը», - Անանդի խոսքերն է մեջբերել Associated Press-ը։

Կանադայի քաղաքացիության և ներգաղթի նախարարությունը հատուկ չի մեկնաբանել Իրանի ֆուտբոլի ֆեդերացիայի ներկայացուցիչների մերժումը, սակայն նշել է, որ ԻՀՊԿ ներկայացուցիչները իրավունք չունեն մուտք գործել երկիր։