CNN. Պենտագոնը Իրանի պատերազմի ծախսերը թերագնահատել է մոտ 20 միլիարդ դոլարով

Պենտագոնի կողմից Իրանի հետ պատերազմի ընդհանուր արժեքի 25 միլիարդ դոլարի գնահատականը թերագնահատված է. այն չի ներառում ամերիկյան ռազմական բազաների վերականգնման ծախսերը, հաղորդել է CNN-ը։

Հեռուստաալիքի տվյալներով՝ իրական արժեքը մոտ 40-50 միլիարդ դոլար է՝ հաշվի առնելով ռազմական օբյեկտների վերականգնման և ոչնչացված սարքավորումների փոխարինման ծախսերը։ Հեռուստաալիքը նշում է, որ պատերազմի առաջին օրերին տարածաշրջանում Իրանի կողմից ձեռնարկված պատասխան հարվածները զգալի վնաս են հասցրել առնվազն ինը ամերիկյան ռազմական օբյեկտների։

Պաշտպանության նախարարի ֆինանսների գծով տեղակալի պաշտոնակատար Ջուլս Հերսթը չորեքշաբթի օրը Ներկայացուցիչների պալատի զինված ուժերի կոմիտեում ցուցմունք տալով՝ հայտարարել է, որ իր նշած 25 միլիարդ դոլարի մեծ մասը ծախսվել է զինամթերքի վրա։ Հեռուստաալիքը ընդգծում է, որ Պենտագոնի քարտուղար Փիթ Հեգսեթը հրաժարվել է նշել, թե արդյոք այս թիվը ներառում է բազաների վերանորոգման ծախսերը։