Իսպանիայի վարչապետի կինը դատի է տալու լրագրողին ագրեսիայի համար

Իսպանիայի վարչապետ Պեդրո Սանչեսի կինը՝ Բեգոնյա Գոմեսը, դատի է տալու լրագրող Վիտո Քուիլեսին՝ ագրեսիայի համար, հաղորդում է Europa Press-ը՝ հղում անելով կառավարության աղբյուրներին։

Ավելի վաղ Քուիլեսը սոցիալական ցանցերում տարածել էր տեսանյութ, որտեղ նա փորձում էր հարցաքննել Գոմեսին կոռուպցիոն սխեմաներին նրա մասնակցության մասին, իսկ վարչապետի կնոջը ուղեկցող կանայք բռնի ուժով հեռացնում էին լրագրողին նրա մոտից։

«Վարչապետի կինը՝ Բեգոնյա Գոմեսը, դատի է տալու Վիտո Քուիլեսին՝ սրճարանում «ագրեսիայի» համար», - ասվում է հայտարարության մեջ։
Հաղորդագրությունում նշվում է, որ Գոմեսի և նրա կողմնակիցների խոսքով՝ Քուիլեսը խանգարել է նրան դուրս գալ սրճարանից՝ այդպիսով «ոտնձգություն» կատարելով։

Ապրիլին դատախազները պահանջեցին 24 տարվա ազատազրկման դատապարտել Գոմեսին, ով մեղադրվում է պաշտոնեական լիազորությունների չարաշահման, յուրացման, բիզնես կոռուպցիայի և ապօրինի հարստացման մեջ։