Լավրովը Ղազախստանի ԱԳ նախարարության ղեկավարի հետ քննարկել է Ուկրաինայի շուրջ ստեղծված իրավիճակը

Ռուսաստանի արտաքին գործերի նախարար Սերգեյ Լավրովը հայտարարել է, որ Ղազախստանի արտաքին գործերի նախարար Երմեկ Կոշերբաևի հետ քննարկել է Ուկրաինայի շուրջ ստեղծված իրավիճակը։

«Մենք քննարկել ենք Ուկրաինայում և նրա շուրջ ստեղծված իրավիճակը։ Մենք շնորհակալ ենք մեր ղազախ գործընկերներին իրավիճակի ըմբռնման և այնտեղ տեղի ունեցողը գնահատելու հավասարակշռված մոտեցման համար», - ասել է Լավրովը Ղազախստանի արտաքին գործերի նախարարի հետ բանակցություններից հետո։