Դու ընտրեցիր ամենավեհ ճանապարհը. Քառօրյա պատերազմում զոհված Անդրանիկ Զոհրաբյանն այսօր կդառնար 30 տարեկան (լուսանկարներ)
Հասարակություն
Ապրիլյան քառօրյա պատերազմում զոհված Անդրանիկ Զոհրաբյանն այսօր կդառնար 30 տարեկան։
Նրա մայրը՝ տիկին Ալլան ֆեյսբուքյան իր էջում գրել է.
«30 տարի առաջ այս օրը մեր կյանքը լցվեց լույսով՝ դու ծնվեցիր։ Տասը տարի առաջ այդ լույսը դարձավ անմահություն... Ապրիլյան քառօրյայի այդ օրերին դու ընտրեցիր հայրենիքը, ընտրեցիր մեզ պաշտպանելու վեհ գործը։ Այսօր դու պիտի լինեիր մեր կողքին, բայց դու ընտրեցիր ապրել սերունդների հիշողության մեջ։ Քո 30-ամյակը մենք դիմավորում ենք խոնարհումով և այն մեծ գիտակցումով, որ դու մեր ազգի պատիվն ես։
Դու ընտրեցիր ամենավեհ ճանապարհը՝ դառնալով հայրենի հողի պահապանը հենց այնտեղ՝ Արցախի սահմանին։
Տասը տարի է, ինչ մեր տանը քո ձայնը չի հնչում, բայց մեր ամեն մի մտքի ու քայլի մեջ դու ես։ Մենք քեզ տեսնում ենք քո ընկերների հայացքներում, քո անունը կրող մատաղ սերնդի մեջ, քո հիշատակին նվիրված ամեն մի խոնարհումի մեջ։ Մեր ցավը նույնքան մեծ է, որքան այն պատիվը, որ մենք քո ծնողն ենք։
Ծնունդդ շնորհավոր, մեր թանկագին որդի, մեր երկնային լույս։ Քո 30-ամյակը մենք դիմավորում ենք գլուխներս բարձր՝ հպարտ քո անցած ուղով և քո թողած անջնջելի հետքով։
Խոնարհվում ենք քո ու քո բոլոր ընկերների հիշատակի առջև»։
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
