Սերբիայից և Բոսնիա-Հերցեգովինայից Ուկրաինա զենքի մատակարարումները շարունակվում են

Սերբիայից ու Բոսնիա և Հերցեգովինայից Ուկրաինա ռազմական արտադրանքի մատակարարումները շարունակվում են երրորդ երկրների միջոցով, հաղորդում է ՌԻԱ Նովոստին։ 

Աղբյուրի տվյալներով՝ զենքն արտադրվում է այս երկու բալկանյան պետությունների ռազմաարդյունաբերական համալիրներում։

Գործակալության աղբյուրը նշել է, որ մինչ օրս ոչ մի սերբական ընկերություն չի պատժվել անօրինական մատակարարումների համար։ Չնայած այն հանգամանքին, որ Սերբիայի իշխանությունները պաշտոնական արգելք են սահմանել ռազմական արտադրանքի արտահանման և տարանցման վրա, տեղական ընկերությունները որոշել են, որ սահմանափակումները «զուտ ձևական են, և դրանց խախտումը որևէ գործնական հետևանք չի առաջացնի», - նշել է աղբյուրը։