Ես որոշում եմ կայացրել միանալ «Առաջարկ Հայաստանին» ծրագրին՝ Գագիկ Ծառուկյանի գլխավորությամբ․ Տիգրան Խաչատրյան

Իմ սիրելի ընկերներ, մտերիմներ, հայրենակիցներ!
Ինձ ճանաչող յուրաքանչյուր մարդ գիտե, որ ես իմ ողջ գիտակցական կյանքը ապրել եմ մեծ նվիրումով առ հայրենիք։
Իմ հայրենիքը դուք եք՝  մարդիկ, որոնց հետ ես անցել եմ երկար ու երբեմն դժվարին ճանապարհ՝ բայց միշտ լի հավատով ու հույսով։

Ես մեծ սիրով եմ իրականացրել բժշկի իմ վեհ կոչումը՝ փրկելով մարդկային կյանքեր։
Իսկական բժիշկը երբեք չի կարող անմասն մնալ մարդկային ցավին ու հայրենիքի ճակատագրին։

Ու այդ պատճառով ես որոշում եմ կայացրել միանալ <Առաջարկ Հայաստանին> ծրագրին՝ Գագիկ Ծառուկյանի գլխավորությամբ։

Սա այլևս քաղաքականություն չէ։
Սա վաղուց արդեն քաղաքականություն չէ։
Սա մեր կյանքի ու մահու հարցն է։

Մեր երկիրը հիմա ծանրագույն իրավիճակում է․ այն մարտահրավերները, որոնց առաջ կանգնած է  հայրենիքը, յուրաքանչյուր հայից պահանջում են անվերապահորեն միավորվել  փրկության փարոսի շուրջ։

Այդ փարոսը ես տեսել եմ Գագիկ Ծառուկյանի <Առաջարկ Հայաստանին> ծրագրում։
Մի համապարփակ ծրագիր, որտեղ կան հստակ պատկերացում խնդիրների մասին և այդ խնդիրների  լուծման էլ ավելի հստակ ուղիներ։

Մի ծրագիր, որին կարող ենք մասնակից լինել բոլորս, առաջարկ անել բոլորս՝ յուրաքանչյուրս իր մասնագիտական հմտությունները ու մարդկային որակները ներդնելով։

Ես հավատում եմ, որ միասին մենք հասնելու ենք մեր երազանքի Հայաստանին։
Աստված մեզ հետ է!