Հայաստանում մեկնարկել է անտառների մոնիթորինգի նոր ծրագիր՝ կլիմայական դիմակայունության ամրապնդման նպատակով
Այլ
Ապրիլի 30-ին կայացել է ՄԱԿ-ի Պարենի և գյուղատնտեսության կազմակերպության և «Բնապահպանական ծրագրերի իրականացման գրասենյակ» պետական հիմնարկի կողմից իրականացվող «Հայաստանում անտառների դիմակայունության բարձրացում՝ մեղմացման միջոցառումների շնորհիվ հարմարեցման և գյուղական վայրերում կանաչ տարածությունների ընդլայնման միջոցով» դրամաշնորհային ծրագրի կառավարման խորհրդի 4-րդ նիստը:
Բացման խոսքով հանդես են եկել․
ՀՀ շրջակա միջավայրի նախարարի տեղակալ Արամ Մեյմարյանը՝ բարձր գնահատելով ծրագրի իրականացումը և ընդգծելով, որ հուսալի և ժամանակակից տվյալները թույլ կտան կայացնել տեղեկացված որոշումներ, ամրապնդել անտառների կայուն կառավարումը և ավելի արդյունավետ արձագանքել կլիմայի փոփոխության մարտահրավերներին,
Հայաստանում Շվեյցարիայի արտակարգ և լիազոր դեսպան Անդրեա Բարբարա Բաումանը և Հայաստանում FAO-ի ներկայացուցիչ Ռայմունդ Յեհլեն, ովքեր ընդգծել են գործընկերության և երկարաժամկետ ազդեցության կարևորությունը՝ շեշտելով, որ նախաձեռնությունը ռազմավարական ներդրում է Հայաստանի կլիմայական դիմակայունության և միջազգային պարտավորությունների, այդ թվում՝ Փարիզյան համաձայնագրի իրականացման ուղղությամբ։
Միջոցառմանը ելույթով հանդես է եկել ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը՝ ներկայացնելով «Անտառների ազգային գույքագրում և մոնիթորինգ» ծրագրի շրջանակում իրականացված աշխատանքները։
Նա նաև շնորհակալություն է հայտնել գործընկեր կազմակերպություններին՝ ՄԱԿ-ի Պարենի և գյուղատնտեսության կազմակերպությանը, Շվեյցարիայի զարգացման և համագործակցության գործակալությանը և այլ գործընկեր կառույցներին՝ նոր ծրագրի մեկնարկի և անտառային մոնիթորինգի համակարգի զարգացման ուղղությամբ ցուցաբերված աջակցության համար։
Միջոցառումը համատեղվել է «Հայաստանում ազգային անտառների մոնիթորինգի և գնահատման համակարգի ստեղծման աջակցություն» ծրագիրը պաշտոնական ստորագրման արարողությամբ մեկնարկմամբ։
«Հայաստանում ազգային անտառների մոնիթորինգի և գնահատման համակարգի ստեղծման աջակցություն» ծրագրի նպատակն է աջակցել Հայաստանին՝ զարգացնելու ազգային կարողությունները և ստեղծելու հուսալի տվյալահենք համակարգ, ինչի ապահովման համար առանցքային դեր է ունենալու ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը ։
Ծրագիրը հանդիսանում է SDC-ի ֆինանսավորմամբ իրականացվող «FORACCA» նախաձեռնության մաս, ինչպես նաև համադրվում է FAO-ի կողմից իրականացվող «Հայաստանի անտառների դիմակայունություն» ծրագրի հետ՝ ձևավորելով անտառների վերականգնման, մոնիթորինգի և կայուն կառավարման միասնական մոտեցում։
Այս նախաձեռնությունը նաև ուղղված է Հայաստանի միջազգային կլիմայական պարտավորությունների՝ այդ թվում Փարիզյան համաձայնագրի իրականացման աջակցմանը։
Ծրագիրը ֆինանսավորվում է Կանաչ կլիմայի հիմնադրամի կողմից և համաֆինանսավորվում է ՀՀ կառավարության, ՄԱԿ-ի Պարենի և գյուղատնտեսության կազմակերպության, Ավստրիական զարգացման գործակալության, Շվեյցարիայի զարգացման և համագործակցության գործակալության, Բնության համաշխարհային հիմնադրամի և Իտալիայի Բոլցանոյի ինքնավար նահանգի կողմից։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
