Ճապոնիան Հորմուզի նեղուցի փակման պատճառով` նավթի մեծ խմբաքանակ է գնել Ռուսաստանից

Ճապոնիան Սախալինից գնել է ռուսական «Սախալին Բլենդ» տեսակի նավթի խմբաքանակ՝ Իրանի շուրջ լարվածության և Հորմուզի նեղուցի փակման ֆոնին, TASS-ին հայտնել է նավթը գնած Taiyo Oil ընկերության ներկայացուցիչը։

Ներկայացուցչի խոսքով՝ գնված նավթի տեսակը չի ենթարկվում պատժամիջոցների։ Taiyo Oil-ի ներկայացուցիչը նշել է, որ ընկերությունը պատասխանատու մոտեցում է ցուցաբերում նավթամթերքի կայուն մատակարարումների ապահովման հարցում և փնտրում է Մերձավոր Արևելքից դուրս գտնվող տարածաշրջաններից մատակարարումները դիվերսիֆիկացնելու հնարավորություններ, սակայն դեռևս անհայտ է, թե արդյոք այն կշարունակի նավթ գնել Ռուսաստանից։

Ճապոնիան խնդիրներ է ունեցել նավթի մատակարարման հետ կապված Մերձավոր Արևելքում հակամարտության պատճառով, որի արդյունքում` փակվել է Հորմուզի նեղուցը։ Երկիրը սովորաբար իր նավթի ընդհանուր ներմուծման 95%-ը ստանում է այս ուղով։