ՆԱՏՕ-ն Կալինինգրադի մարզի մեկուսացման սցենարներ է մշակում. ԶԼՄ

Ռուսաստանի արտաքին գործերի նախարարության հատուկ հանձնարարություններով դեսպան Արտյոմ Բուլատովը ՌԻԱ Նովոստիին տված հարցազրույցում հայտարարել է, որ ՆԱՏՕ-ի երկրները զորավարժությունների ժամանակ մշակում են Կալինինգրադի մարզը մեկուսացնելու սցենարներ։

Դիվանագետի խոսքով՝ ռուս-ուկրաինական պատերազմի մեկնարկից ի վեր՝ ՆԱՏՕ-ն և Եվրամիությունը զգալիորեն ակտիվացրել են Բալթյան տարածաշրջանում լոգիստիկ երթուղիների վրա վերահսկողություն հաստատելու իրենց ջանքերը՝ ձեռնարկելով մի շարք քայլեր Կալինինգրադի մարզի հետ տրանսպորտային կապերը սահմանափակելու և պայմաններ ստեղծելով տարածաշրջանը մեկուսացնելու համար, եթե Ռուսաստանի և Արևմուտքի միջև լարվածությունը շարունակի սրվել։

Բուլատովը նշել է, որ նման սցենարներ են մշակում ՆԱՏՕ-ի զորավարժությունների շրջանակներում։