Ռուսաստանի և Ուկրաինայի միջև խաղաղության համաձայնագիր կարող է չկնքվել. Վոլքեր

Ուկրաինայի հարցերով ԱՄՆ նախկին հատուկ ներկայացուցիչ Կուրտ Վոլքերը խոստովանել է, որ Մոսկվայի և Կիևի միջև լիարժեք խաղաղության համաձայնագիրը կարող է իրականություն չդառնալ։ Նրա խոսքերը մեջբերում է «Ուկրինֆորմը»։

«Հավանաբար լիարժեք խաղաղության համաձայնագիր ընդհանրապես չի լինի։ Մենք, հավանաբար, կտեսնենք փաստացի հրադադար կամ ռազմական գործողությունների աստիճանական դադարեցում։ Եվ սա մեծ մասամբ տեղի կունենա անմիջապես ռուսների և ուկրաինացիների միջև՝ նույնիսկ առանց արտաքին միջնորդության», - ասել է Վոլքերը։