Մայիսի 9-ի 10 րոպեանոց հրավառությունը կարժենա 10 միլիոն ռուբլի

Ռուսաստանի Կրասնոյարսկի երկրամասում նախատեսվում է 9 Մայիսի՝ Հաղթանակի օրվա առթիվ կազմակերպել 10 րոպեանոց հրավառություն, որի արժեքը կկազմի շուրջ 10 միլիոն ռուբլի։ Այս մասին հայտնում է Mash-ը։

Ըստ աղբյուրի՝ հրավառությունը կիրականացվի միաժամանակ երկու վայրից՝ Ենիսեյ գետի վրա գտնվող բարձակից և «Կրասնոյարյե» առևտրի կենտրոնի հարակից տարածքից։ Երկինք կարձակվի մոտ 2,5 հազար պիրոտեխնիկական սարք, իսկ տոնական միջոցառումների ընդհանուր բյուջեն կհասնի շուրջ 43 միլիոն ռուբլու։

Նշվում է, որ չնայած պիրոտեխնիկայի ծախսերը այս տարի աճել են մոտ 1,5 միլիոն ռուբլով, Կրասնոյարսկը դեռ զիջում է Կազանին, որտեղ տոնակատարությունների համար հատկացվել է մոտ 64,8 միլիոն ռուբլի։