Տուապսեում շարունակում են վերացնել նավթային արտահոսքի հետևանքները

Ռուսաստանի Տուապսե քաղաքում շարունակվում են նավթամթերքի արտահոսքի հետևանքների վերացման աշխատանքները։ Քաղաքապետ Սերգեյ Բոյկո-ն այդ մասին հայտնել է իր Telegram-ալիքում։

Նրա խոսքով՝ աշխատանքները դեռ ընթանում են երեք հիմնական հատվածներում, իսկ նախկինում տարհանված 57 բնակիչ շարունակում է մնալ տեղական հյուրանոցներում։ Այդ մարդիկ դուրս էին բերվել իրենց տներից՝ ուկրաինական անօդաչու թռչող սարքերի հարվածից տուժած նավթավերամշակման գործարանի հարակից տարածքներից։

Ավելի վաղ հաղորդվել էր, որ հրդեհից հետո հավաքվել և տեղափոխվել է ավելի քան 13 հազար խորանարդ մետր մազութ և աղտոտված հող։ Նշվում է նաև, որ մայիսի 2-ին Տուապսեում ամբողջությամբ մարվել է ծովային տերմինալում առաջացած հրդեհը։