Tasnim. Իրանն ԱՄՆ-ին 14 կետից բաղկացած խաղաղության առաջարկ է ներկայացրել

Իրանը պակիստանցի միջնորդի միջոցով պատասխան է փոխանցել ամերիկյան 9 կետից բաղկացած առաջարկին՝ կենտրոնանալով «պատերազմի ավարտի» թեմայի վրա, հաղորդում է Tasnim-ը։

Ինչպես հայտնում է Tasnim գործակալության արտաքին քաղաքականության թղթակիցը, ԱՄՆ-ն իր առաջարկում երկամսյա հրադադար է խնդրել։

Միևնույն ժամանակ Իրանը շեշտել է, որ բոլոր հարցերը պետք է կարգավորվեն 30 օրվա ընթացքում, իսկ գործընթացը պետք է միտված լինի ոչ թե հրադադարի երկարաձգմանը, այլ հենց «պատերազմի ավարտին»։

Իրանի 14 կետից բաղկացած առաջարկում ներառված են այնպիսի թեմաներ, ինչպիսիք են ռազմական ագրեսիայից հրաժարվելու երաշխիքները, Իրանի շուրջ տարածքից ամերիկյան ռազմական ուժերի դուրսբերումը, ծովային շրջափակման վերացումը, սառեցված իրանական ակտիվների ապասառեցումը, փոխհատուցումների վճարումը, պատժամիջոցների չեղարկումը և բոլոր ճակատներում պատերազմի դադարեցումը, ներառյալ Լիբանանը, ինչպես նաև Հորմուզի նեղուցում իրավիճակի կարգավորման նոր մեխանիզմը և այլ հարցեր։

Իրանը սպասում է ԱՄՆ-ի պաշտոնական պատասխանին այս առաջարկների վերաբերյալ։