Politico. Նոյեմբերին ընտրություններում ձախողումը կստիպի Թրամփին կոշտացնել իր դիրքորոշումը ՆԱՏՕ-ի հարցում

ԱՄՆ նախագահ Դոնալդ Թրամփը կարող է նվազեցնել Ուկրաինային իր աջակցությունը և մեծացնել ճնշումը ՆԱՏՕ-ի և ԵՄ երկրների վրա, եթե Հանրապետական ​​կուսակցությունը վատ արդյունքներ ցույց տա նոյեմբերի միջանկյալ ընտրություններում, հաղորդում է Politico-ն՝ հղում անելով անանուն եվրոպացի պաշտոնյայի։

Թերթի աղբյուրի խոսքով՝ Թրամփը դա կանի իր հիմնական ընտրազանգվածի աջակցությունը վերականգնելու համար։ Պաշտոնյան նշել է ՆԱՏՕ-ի նկատմամբ ԱՄՆ դիրքորոշման «հետագա վատթարացման» ռիսկը։

Ավելի վաղ պաշտպանության նախարարի հասարակայնության հետ կապերի գծով օգնական Շոն Փարնելը հայտարարել էր, որ Պենտագոնի քարտուղար Փիթ Հեգսեթը հրամայել է Գերմանիայից դուրս բերել 5000 ամերիկացի զինվորականների։ Նա ասել է, որ զորքերի դուրսբերումը, ենթադրաբար, կավարտվի առաջիկա վեցից տասներկու ամիսների ընթացքում։

Ապրիլի 29-ին Թրամփը հայտարարել է, որ ԱՄՆ-ն քննարկում է Գերմանիայում տեղակայված իր ռազմական զորակազմի կրճատման հարցը և շուտով որոշում կկայացնի։ Ապրիլի 30-ին լրագրողների հարցերին պատասխանելով՝ ամերիկացի առաջնորդը խոստովանել է, որ Միացյալ Նահանգները կարող է կրճատել իր զորքերի թիվը ոչ միայն Գերմանիայում, այլև Իտալիայում և Իսպանիայում։