ԱՄՆ-ի կողմից կալանված իրանական «Տուսկա» նավի անձնակազմի 22 անդամները հանձնվել են Պակիստանին

Օմանի ծոցում ԱՄՆ-ի կողմից գրավված իրանական «Տուսկա» բեռնատար նավի անձնակազմի ավելի քան 20 անդամ տեղափոխվել է Պակիստան։ Նրանք կհանձնվեն Իրանին մայիսի 4-ին, հայտարարել է Պակիստանի արտաքին գործերի նախարարությունը։

«ԱՄՆ-ի կողմից վստահության ամրապնդման միջոցառում հանդիսացող գրավված իրանական MV Touska կոնտեյներային նավի 22 անձնակազմի անդամները տարհանվել են Պակիստան։ Երեկ երեկոյան Պակիստան տեղափոխվածները այսօր կհանձնվեն Իրանի իշխանություններին», - ասվում է նախարարության X ալիքով հրապարակված հայտարարության մեջ։

Իրանական նավը կտեղափոխվի Պակիստանի տարածքային ջրեր և «անհրաժեշտ վերանորոգումից» հետո կվերադարձվի «իր սկզբնական տերերին»։ Նախարարությունը նշել է, որ այս գործողությունները իրականացվում են ԱՄՆ-ի և Իրանի հետ համակարգված։ «Պակիստանը ողջունում է նման վստահության ամրապնդման միջոցառումները և կշարունակի խթանել երկխոսությունն ու դիվանագիտությունը», - ավելացվում է հայտարարության մեջ։

Ավելի վաղ ԱՄՆ կենտրոնական հրամանատարության խոսնակը ABC News-ին ասել է, որ «ամերիկյան ուժերն ավարտել են «Տուսկա» նավի 22 անձնակազմի անդամների տեղափոխումը Պակիստան՝ հայրենադարձման համար», և որ նավի վերահսկողությունը «վերադարձվում է իր տիրոջը»։