Մեծ Բրիտանիային պայմաններ են առաջադրվել ԵՄ ներքին շուկա մուտք գործելու համար

Եվրամիությունը (ԵՄ) Մեծ Բրիտանիայից պահանջել է տարեկան վճարումներ, եթե այն ցանկանում է մուտք գործել տարածաշրջանային դաշինքի ներքին շուկա, հաղորդում է The Times-ը։

Հոդվածում պարզաբանվում է` Բրյուսելը ցանկանում է, որ Լոնդոնը ընդունի այս պայմանը ամառային գագաթնաժողովում։ Եթե համաձայնագիրը հաստատվի, կողմերը կսկսեն բանակցություններ հետագա ինտեգրման վերաբերյալ։

«Եվրոպացի բանակցողները հստակեցրել են, որ վճարումը, որը, ենթադրաբար, կկազմի մոտավորապես 1 միլիարդ ֆունտ ստեռլինգ, միասնական շուկա մուտք գործելու շարունակական պայման է», - նշել են հրապարակման հեղինակները։