ՌԴ-ում աճել է նոր մասնագիտություններ սովորելու պահանջարկը

Ռուսաստանում կտրուկ աճել է մասնագիտական վերապատրաստման ծրագրերի նկատմամբ հետաքրքրությունը։ «Известия» թերթի տվյալներով՝ քաղաքացիները ակտիվորեն դիմում են նոր մասնագիտություններ ձեռք բերելու համար՝ հղում անելով ՌԴ աշխատանքի նախարարությունի վիճակագրությանը։

Գերատեսչության տվյալներով՝ անցած տարվա ընթացքում «Կադրեր» ազգային ծրագրի շրջանակում շուրջ 119 հազար մարդ ստացել է նոր մասնագիտական հմտություններ։ Միայն 2026 թվականի սկզբից վերապատրաստման անվճար ծրագրերին մասնակցելու հայտերի թիվն աճել է մոտ մեկ երրորդով՝ գերազանցելով 84 հազարը։

Պաշտոնյաների խոսքով՝ ծրագրերը մեծ պահանջարկ ունեն ոչ միայն քաղաքացիների, այլև գործատուների շրջանում, որոնք հաճախ իրենց աշխատակիցներին անվճար վերապատրաստում են նոր պարտականությունների համար։ Մասնագետների գնահատմամբ՝ տնտեսական անորոշության պայմաններում հատկապես պահանջված են դարձել սոցիալական և աշխատանքային մասնագիտությունները, ինչպես նաև ժամանակավոր և պատվերային աշխատանքները՝ առաքում, շինարարություն, վերանորոգում և մասնավոր ծառայություններ։