Հայտնաբերվել է երեք տարի առաջ գլխատված տղամարդու մարմինը

Լենինգրադի մարզի Վսևոլոժսկի շրջանում հեծանվորդները հայտնաբերել են մի քանի փաթեթների մեջ պահված մարդու մարմնի մասեր, որոնք, նախնական տվյալներով, այնտեղ գտնվել են շուրջ երեք տարի։ Այս մասին հաղորդում է «Ֆոնտանկա»-ն՝ հղում անելով իրավապահներին։

Քննության տվյալներով՝ խոսքը 54-ամյա տղամարդու մասին է, ով 2023 թվականի մայիսին ծանոթի հետ մեկնել էր գյուղական գերեզմանատուն և անհետ կորել։ Նույն թվականին հարուցվել էր քրեական գործ, և նրա ծանոթը ձերբակալվել էր։ Ըստ քննության՝ վերջինս մի քանի անգամ այցելել է նույն տարածք՝ ենթադրաբար մարմինը թաքցնելու նպատակով։

Ձերբակալվածը խոստովանել է սպանությունը՝ պնդելով, որ այն տեղի է ունեցել անզգուշությամբ, սակայն նշել է, որ չի հիշում մարմնի թաքցման վայրը։ Մարմնի մասերը հայտնաբերվել են պատահաբար 2026 թվականի մայիսին, սակայն փաթեթներում գլխի բացակայությունը լրացուցիչ հարցեր է առաջացրել գործի շուրջ։