Հարավային Աֆրիկայում կոկորդիլոսի աղիքներում մարդկային մնացորդներ են հայտնաբերվել

Հարավային Աֆրիկայում կոկորդիլոսի աղիքներում մարդկային մնացորդներ են հայտնաբերվել։ Տեղական ոստիկանությունը հայտնել է, որ հսկայական սողունին դուրս բերելու համար ուղղաթիռ է օգտագործվել։

«Կոմատի գետի վրա խիստ վտանգավոր և բարդ գործողության ժամանակ կապիտան Պոտգիտերը SANParks ուղղաթիռից իջեցվել է կոկորդիլոսներով լի գետը, որտեղ նա քաջաբար պարանով ամրացրել է կոկորդիլոսին՝ գործելով չափազանց վտանգավոր պայմաններում», - սոցիալական ցանցերում գրել են իրավապահ մարմինների աշխատակիցները։

Կենդանուն հանգստացնելուց և ուղղաթիռով տարհանելուց հետո փորձագետները նրա աղիքներից մնացորդներ են հայտնաբերել, որոնք ուղարկվել են ԴՆԹ թեստավորման՝ մահացածի ինքնությունը հաստատելու համար։ Ոստիկանության տվյալներով՝ հետաքննությունը շարունակվում է։

«Citizen» թերթը հաղորդում է, որ մնացորդները, ենթադրաբար, պատկանում են Գաուտենգ նահանգից 59-ամյա գործարարի, ով անհետացել էր անցյալ ամիս, երբ նրա մեքենան հայտնաբերվել էր Կոմատիպուրտի կամրջի վրա։