13-14 ավտոբուսի գումար ենք հավաքագրել. Տիգրան Ավինյան

Երևանի քաղաքապետ Տիգրան Ավինյանն անդրադարձել է տրանսպորտում ուղեվարձի հավաքագրման ցուցանիշներին։ Մարտ ամսին 10 մլն 327 հազար 73 վավերացում է եղել, ապրիլին՝ 12 մլն 733 հազար 230. երկու ամսվա ընթացքում վավերացումները եղել են 23.3 տոկոսով կամ 2 մլն 406 հազարով ավելի։

«Մենք հավելյալ հավաքագրման արդյունքում մոտավորապես 13-14 ավտոբուսի գումար ենք հավաքագրել»,- ասել է նա՝ հավելելով, որ այդ գործընթացը կարևոր է Երևանում արժանապատիվ տրանսպորտ ունենալու տեսանկյունից. «Հանրային տրանսպորտն ամենածախսատար ոլորտն է քաղաքի համար. ամենամեծ ներդրումներն ու սուբսիդիաները Երևանի քաղաքապետարանն իրականացնում է հենց հանրային տրանսպորտի ոլորտում։ Նաև շատ կարևոր է, որ վճարումներն իրականացնենք պատշաճ կերպով»։

Նա շնորհակալություն է հայտնել վարորդներին, որոնք բավական ծանր գրաֆիկով աշխատանքը համադրում են վերահսկողական գործառույթների հետ։