Tesla-ի գլխավոր մրցակիցը խնդիրների մեջ․ BYD-ի վաճառքները շարունակում են անկում ապրել

Չինական էլեկտրամեքենաների արտադրող BYD-ը 2026 թվականի ապրիլին մատակարարել է 314 հազար մարդատար ավտոմեքենա։ Տվյալները ներկայացրել է CNBC-ը՝ նշելով, որ ցուցանիշը 15,7 տոկոսով ցածր է նախորդ տարվա նույն ժամանակահատվածի համեմատ։

Վաճառքների անկումը շարունակվում է արդեն ութերորդ ամիսը՝ հիմնականում ուժեղացած մրցակցության ֆոնին։ Մինչ BYD-ը կորցնում է դիրքերը, մրցակից ընկերությունները, այդ թվում Leapmotor-ը և Zeekr-ը, հայտարարում են ռեկորդային մատակարարումների մասին։ Միևնույն ժամանակ, ընկերության արտահանումը հասել է պատմական առավելագույնի՝ 135 098 մեքենա, ինչը ավելի քան 70 տոկոսով գերազանցում է 2025 թվականի նույն ժամանակահատվածի արդյունքները։

Նախորդ ամիսներին նույնպես արձանագրվել է անկում․ մարտին վաճառքները նվազել են 20,5 տոկոսով՝ հասնելով 300 222 միավորի, իսկ 2026 թվականի առաջին եռամսյակում Չինաստանում վաճառքները նվազել են շուրջ 30 տոկոսով։ Չնայած այս ֆոնին, Ռուսաստանում BYD մեքենաների պահանջարկը 2025 թվականին կտրուկ աճել է՝ գրանցվելով ավելի քան կրկնակի աճ։