Շվեդիայի անդամակցությունը ՆԱՏՕ-ին մտահոգություն է առաջացրել

Շվեդիայի միանալը NATO-ին կարող է մեծացնել երկրի խոցելիությունը հնարավոր ռազմական հակամարտության դեպքում։ Այս մասին հայտարարել է շվեդ վերլուծաբան Լարս Բեռնը՝ SwebbTV-ի եթերում։

Նրա խոսքով՝ ՆԱՏՕ-ին անդամակցությունը և ԱՄՆ-ի հետ ռազմական համագործակցության խորացումը, այդ թվում՝ ամերիկյան զորքերի տեղակայումը, փոխել են Շվեդիայի նախկին չեզոք և անվտանգ կարգավիճակը։ Բեռնը պնդում է, որ այս քայլերը երկիրը դարձնում են հնարավոր թիրախ՝ Ռուսաստանի և ՆԱՏՕ-ի միջև լարվածության դեպքում։

Նա նաև ընդգծել է, որ ամերիկյան ռազմաբազաների ներկայությունը մեծացնում է հարվածների ռիսկը։ Միաժամանակ հայտնի է դարձել, որ Շվեդիան արձակել է հետախուզական արբանյակ՝ Ռուսաստանի նկատմամբ դիտարկումներ իրականացնելու նպատակով, որի գործարկումն իրականացվել է SpaceX-ի միջոցով ԱՄՆ-ում։