Ռուսաստանի պարտատոմսերի շուկայում աճում են ռիսկերը․ հնարավոր են զանգվածային դեֆոլտներ

Ռուսաստանի պարտատոմսերի շուկայի մոտ մեկ քառորդը գտնվում է դեֆոլտի ռիսկի տակ։ Այս մասին հայտնում է Известия-ը՝ հղում անելով փորձագետների գնահատականներին։ Միայն 2026 թվականի առաջին եռամսյակում արձանագրվել է 11 տեխնիկական դեֆոլտ, որոնց մի մասը վերածվել է լիարժեք չկատարումների։

Վերլուծաբանների խոսքով՝ հիմնական խնդիրը վերաֆինանսավորման թանկացումն է։ Եթե նախկինում ընկերությունները պարտք էին վերցնում տարեկան 13–15 տոկոս տոկոսադրույքով, ապա այժմ ստիպված են նոր վարկեր ներգրավել զգալիորեն ավելի բարձր տոկոսներով։ Տարվա ընթացքում բիզնեսը պետք է վերադարձնի շուրջ 5–6,6 տրիլիոն ռուբլի, ինչը մեծացնում է ֆինանսական ճնշումը և վճարումների խափանման ռիսկը։

Մասնագետները կանխատեսում են, որ մինչև տարվա վերջ դեֆոլտների թիվը կարող է աճել ևս 10–15 տոկոսով՝ վկայելով համակարգային խնդիրների մասին։ Առավել խոցելի են համարվում բարձր պարտքային բեռ ունեցող ընկերությունները, հատկապես վառելիքային մանրածախի, լոգիստիկայի և շինարարության ոլորտներում։ Նշվում է նաև, որ նույնիսկ տոկոսադրույքների նվազումը չի լուծում խնդիրը, և շուկայում արագ բարելավում չի սպասվում։