Նոլանի «The Odyssey»-ն սկանդալի կենտրոնում․ թրեյլերում «չեն գտել» սևամորթ դերասաններին

Ռեժիսոր Քրիստոֆեր Նոլան-ի նոր՝ «The Odyssey» ֆիլմի թրեյլերը քննարկումների ալիք է բարձրացրել համացանցում։ Տեսահոլովակը հրապարակվել է Universal Pictures-ի YouTube ալիքում, որտեղ ներկայացված են գլխավոր դերակատարները՝ այդ թվում Մեթ Դեյմոն, Էն Հեթուեյ, Ռոբերտ Պատինսոն և Թոմ Հոլանդ։

Սակայն օգտատերերի ուշադրությունը գրավել է այն հանգամանքը, որ թրեյլերում չեն երևում սևամորթ դերասաններ, այդ թվում Լուպիտա Նյոնգո-ն, որի մասնակցության շուրջ ավելի վաղ արդեն քննարկումներ կային։ Ըստ շրջանառվող լուրերի՝ դերասանուհին պետք է մարմնավորեր Հեղինե Տրոյացին, սակայն նոր կադրերում նրա մասնակցությունը չի երևում։

Սոցցանցերում արդեն տարածվել են տարբեր վարկածներ՝ սկսած դերաբաշխման փոփոխություններից մինչև ստեղծագործական որոշումներ, որոնք կապված են պատմական ճշգրտության պահպանման հետ։ Մինչդեռ պաշտոնական մեկնաբանություն ֆիլմի հեղինակների կողմից դեռևս չի հրապարակվել։