Ռուս փորձագետը խոսել է Կիևին հնարավոր հարվածների մասին

Ռուսաստանում անդրադարձել են Ուկրաինայի շուրջ լարվածությանը և հնարավոր ռազմական սցենարներին։ Ռազմական փորձագետ Վիկտոր Բարանեցը հայտարարել է, որ հրադադարի խախտման դեպքում կարող են հետևել ուժեղ պատասխան գործողություններ՝ ընդգծելով, որ դրանց ծավալը կախված կլինի հարձակման մասշտաբից։

Նրա խոսքով՝ հնարավոր պատասխան հարվածները կարող են ուղղված լինել «որոշումների ընդունման կենտրոններին», այդ թվում՝ պետական կառույցներին Կիևում։ Բարանեցը նաև ենթադրել է, որ նման իրավիճակում Ուկրաինայի նախագահ Վլադիմիր Զելենսկին կարող է ժամանակավորապես լքել մայրաքաղաքը անվտանգության նկատառումներով։

Միևնույն ժամանակ հիշեցվում է, որ ավելի վաղ Զելենսկին հայտնել էր երկրի տարբեր մարզերում ենթակառուցվածքների վնասների մասին՝ գիշերային հարվածների հետևանքով։ Տարածաշրջանում լարվածությունը շարունակում է պահպանվել՝ փոխադարձ հայտարարությունների և սպառնալիքների ֆոնին։