Նավթի համաշխարհային պաշարները նվազում են․ շուկան մոտենում է 8 տարվա նվազագույնին

Համաշխարհային նավթի պաշարները մոտենում են վերջին ութ տարվա ամենացածր մակարդակին։ Այս մասին զգուշացրել են Goldman Sachs-ի վերլուծաբանները, փոխանցում է Reuters-ը։

Փորձագետների գնահատմամբ՝ պաշարների արագ նվազումը կապված է մատակարարումների սահմանափակմամբ, մասնավորապես՝ Strait of Hormuz-ով անցնող հոսքերի հետ։ Նշվում է, որ ներկայումս նավթի գլոբալ պաշարները համարժեք են մոտ 101 օրվա պահանջարկին և կարող են նվազել մինչև 98 օր արդեն մայիսի վերջում։ Միևնույն ժամանակ նավթամթերքների ընդհանուր ծավալները ևս կրճատվել են՝ վերջին զարգացումների ֆոնին։

Այս ֆոնին շուկայում արձանագրվել է գների կտրուկ աճ․ հյուսիսծովյան Brent տեսակի նավթի արժեքը որոշ պահի գերազանցել է 114 դոլարը մեկ բարելի դիմաց։ Վերլուծաբանները դա կապում են Մերձավոր Արևելքում լարվածության սրմամբ, ինչը շարունակաբար ազդում է էներգետիկ շուկաների վրա։