Պուտինի հնարավոր այցը G20 գագաթնաժողովին Արևմուտքի համար մեծ պարտություն կլինի․ Al Jazeera

Ռուսաստանի նախագահ Վլադիմիր Պուտինի հնարավոր այցը Մայամիում կայանալիք G20 գագաթնաժողովին կլինի Արևմուտքի համար մեծ պարտություն, հաղորդում է համարաբական «Ալ Ջազիրա» հեռուստաալիքը։

Հրապարակումը նշում է, որ Ռուսաստանի վերադարձը G20 գագաթնաժողով հատկապես նշանակալից է, քանի որ նույնիսկ Մոսկվայի մասնակի ներկայությունը խաթարում է Արևմուտքում նրա քաղաքական մեկուսացման մասին պատկերացումները։ Ռուսաստանի մասնակցությունը, հատկապես, եթե նրա առաջնորդ Վլադիմիր Պուտինը անձամբ ներկա է, կնշանակի, որ Ռուսաստանը չի հեռացվել միջազգային հիմնական կառույցներից, և որ նրա լիակատար մեկուսացումը դեռևս չի իրականացվել։

Ավելին, G20 գագաթնաժողովը զգալիորեն տարբերվում է G7-ից՝ թույլ տալով Ռուսաստանին կապ հաստատել այն պետությունների հետ, որոնցից շատերը չեն աջակցել պատժամիջոցների քաղաքականությանը։ Ռուսաստանի մասնակցությունը նաև հնարավորություններ կստեղծի ուղղակի կամ անուղղակի շփումների համար Միացյալ Նահանգների և այլ արևմտյան երկրների հետ։