Վրաստանը հայտարարել է, որ ԵՄ-ն գոյություն չէր ունենա առանց ֆաշիզմի դեմ տարած հաղթանակի

Եվրամիությունը գոյություն չէր ունենա առանց ֆաշիզմի դեմ տարած հաղթանակի, որին իրենց ներդրումն ունեցան վրացի զինվորները։ Այս մասին հայտարարել է Վրաստանի խորհրդարանի խոսնակ Շալվա Պապուաշվիլին։

Վրաստանում ԵՄ պատվիրակությունը ամեն տարի մայիսի 9-ին Թբիլիսիում միջոցառում է անցկացնում՝ նվիրված Եվրոպայի օրվան։ Սակայն եվրոպացի դեսպանները չեն մասնակցում Հաղթանակի օրվա տոնակատարություններին։ Մայիսի 9-ին Վրաստանի ղեկավարությունը ավանդաբար հարգում է Հայրենական մեծ պատերազմի հերոսների հիշատակը և շնորհավորում վետերաններին։

«Եթե ֆաշիզմի դեմ տարած հաղթանակը և պատերազմում զոհված 300,000 վրացիների ներդրումը չլիներ, չէր լինի Եվրամիություն կամ Եվրոպայի օր։ Սա ամենակարևոր բանն է, որը պետք է հասկանան ԵՄ բոլոր քաղաքացիներն ու դիվանագետները։ Անցյալ տարի, մայիսի 9-ին, մենք, ցավոք, չտեսանք ԵՄ ոչ մի ներկայացուցչի մայիսի 9-ի հիշատակին նվիրված միջոցառմանը, որտեղ ներկայացված էին մեր վետերանները։ Եվ մենք նրանցից ոչ մի խոսք չլսեցինք ֆաշիզմի կամ մայիսի 9-ի նշանակության մասին», - լրագրողներին ասել է Պապուաշվիլին։