Թրամփը խոստովանել է, որ Իրանի հետ հակամարտությունը կարող է տևել ևս երկու-երեք շաբաթ

ԱՄՆ նախագահ Դոնալդ Թրամփը կարծում է, որ Իրանի հետ հակամարտությունը կտևի ևս երկու-երեք շաբաթ՝ պնդելով, որ ամերիկյան զինվորականները հասել են քարոզարշավի հիմնական նպատակներին։

«Մենք արդեն ոչնչացրել ենք այն ամենի մեծ մասը, ինչ կցանկանայինք ոչնչացնել. մեզ, հավանաբար, անհրաժեշտ կլինի ևս երկու, գուցե երեք շաբաթ։ Ժամանակը մեզ համար որոշիչ գործոն չէ», - ասել է ամերիկացի առաջնորդը ռադիոհաղորդավար Հյու Հյուիթի հետ զրույցում։

Թրամփը վստահ է, որ ԱՄՆ-ը կամ կկնքի համաձայնագիր Թեհրանի հետ, կամ կհասնի վերջնական ռազմական հաղթանակի։

«Այսպես թե այնպես, մենք հաղթելու ենք։ Կամ կկնքենք ճիշտ համաձայնագիր, կամ կհասնենք հեշտ ռազմական հաղթանակի։ Մենք արդեն հաղթել ենք։ Ես դա միլիոն անգամ ասել եմ, և ուրիշ մարդիկ նույնպես։ Նրանք ունեին 159 նավ, և հիմա նրանք չկան։ Դրանք բոլորը ծովի հատակում են։ Այսօր մենք ոչնչացրեցինք նրանց մնացած ութ փոքր մոտորանավակները», - ասել է նա։