ԱՄՆ-ն այժմ ավելի շատ նավթ է արդյունահանում, քան ՌԴ-ն և Սաուդյան Արաբիան միասին. Թրամփ

ԱՄՆ նախագահ Դոնալդ Թրամփն Իրանի դեմ ռազմական գործողությունը նախապատրաստելիս հնարավոր է համարել, որ նավթի համաշխարհային գինը կարող է հասնել 200-250 դոլարի, և պատրաստ էր ԱՄՆ տնտեսության համար դրա հետ կապված հետևանքներին, այս մասին նա հայտնել է ռադիոհաղորդավար Հյու Հյուիթի հետ զրույցում, որը հրապարակվել է լրագրողի կայքում:

«Երբ ես հենց նոր էի սկսել (խմբ.` Իրանի դեմ գործողությունը), հնարավոր էի համարում, որ (ԱՄՆ) ֆոնդային շուկան կարող է անկում ապրել 20-25%-ով: Բայց դա ինձ համար նորմալ էր, որովհետև գիտեի, որ այն կվերականգնվի:

Ես նաև կարծում էի, որ նավթի գինը կարող է հասնել 200-250 դոլարի (խմբ.` մեկ բարելի դիմաց): Բայց հիմա այն արժե 100-102 դոլար», - ասել է ԱՄՆ նախագահը: