Մալայզիայի թագավորը Պուտինի հրավերով մեկնել է Մոսկվա

Մալայզիայի Գերագույն կառավարիչ Սուլթան Իբրահիմը Հաղթանակի օրվա տոնակատարություններից առաջ Մոսկվա է մեկնել Ռուսաստանի նախագահ Վլադիմիր Պուտինի հրավերով, հաղորդում է Bernama-ն։

Գերագույն կառավարչի մասնավոր ինքնաթիռը Սենայի միջազգային օդանավակայանից մեկնել է տեղական ժամանակով ժամը 8:00-ին (Մոսկվայի ժամանակով ժամը 3:00-ին): Սուլթան Իբրահիմը այս մասին հայտարարել է Facebook-ում։

Հունվարին Մալայզիայի թագավորը մասնավոր այցով Ռուսաստանում էր: Նա Պուտինի հետ հանդիպել է Սանկտ Պետերբուրգի Էրմիտաժ թանգարանում: