Եգիպտոսում ցուցարարներն այրել են Կահիրեի 5-աստղանի հյուրանոցը

Կահիրեի կենտրոնում գտնվող «Սեմիրամիս» հյուրանոցում ցուցարարների կողմից բռնկվող նյութերից պատրաստված խառնուրդներ նետելու արդյունքում հրդեհ է բռնկվել: Զոհերի և վիրավորների մասին տեղեկություններ չկան:

Նեղոս գետի ափին գտնվող 5-աստղանի հյուրանոցը ցուցարարների էպիկենտրոնի մոտակայքում է գտնվում: Նրա հարևանությամբ գտնվող մեկ այլ «Շեպարդ» հյուրանոցը երեքշաբթի երեկոյան դադարեցրել է իր աշխատանքը և խնդրել բոլոր այցելուներին լքել հյուրանոցի տարածքը:

Եգիպտոսում արդեն 5 օր շարունակ չեն դադարում բախումները ցուցարարների և իրավապահ մարմինների միջև: Անկարգությունները սկսվել էին անցյալ ուրբաթ օրը եգիպտական հեղափոխության 2-րդ տարեդարձի կապակցությամբ: Հատկապես սուր է իրավիճակը Պորտ Սաիդում, ուր բնակչությանը ցույցի էր դրդել 21 ֆուտբոլային երկրպագուներին մահվան դատապարտելու մասին որոշումը:

Պորտ Սաիդում, Սուեզում և Իսմաիլիում արտակարգ դրություն և պարեկային ժամ է հայտարարվել: Ընդհանուր առմամբ՝ այս օրերին Եգիպտոսում զոհվել է 50 մարդ. գրում է Риа Новости-ն: