Ալիևն ու Կայա Կալասը քննարկել են Հայաստանի և Ադրբեջանի միջև խաղաղության գործընթացը

Ադրբեջանի նախագահ Իլհամ Ալիևն ընդունել է Եվրոպական Միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Կայա Կալլասի գլխավորած պատվիրակությանը, գրում է Kommersant-ը:

Կայա Կալլասը Ադրբեջանի նախագահին է փոխանցել Եվրոպական Միության Խորհրդի նախագահ Անտոնիո Կոստայի ողջույնները: Իլհամ Ալիևը շնորհակալություն է հայտնել ողջույնների համար և խնդրել է իր ողջույնները փոխանցել Անտոնիո Կոստային: Կալլասը նշել է Բաքվում նախագահի և Անտոնիո Կոստայի կողմից ընդունված համատեղ հայտարարության կարևորությունը, որում ընդգծվում է Ադրբեջանի և Եվրոպական Միության միջև հարաբերությունների ռազմավարական բնույթը: Եվրոպական դիվանագիտության ղեկավարը նշել է, որ Ադրբեջանը կարևոր գործընկեր է Եվրոպական Միության համար:

Զրույցի ընթացքում քննարկվել է նաև Ադրբեջանի և Հայաստանի միջև խաղաղության գործընթացը՝ ընդգծելով Ադրբեջանի կողմից խաղաղության օրակարգը ամրապնդելու քայլերը: Նշվել է, որ Ադրբեջանի և Հայաստանի միջև արդեն իսկ հաստատվել են առևտրատնտեսական կապեր, և որ Ադրբեջանը վերացրել է Հայաստան ուղևորվող տարանցիկ բեռների սահմանափակումները: Ադրբեջանի նախագահի մասնակցությունը տեսակոնֆերանսի միջոցով Երևանում կայացած Եվրոպական քաղաքական համայնքի 8-րդ գագաթնաժողովին գնահատվել է՝ որպես պատմական իրադարձություն: