Արաղչին հայտարարել է Հորմուզի նեղուցը հնարավորինս շուտ բացելու անհրաժեշտության մասին

Չինաստանի արտաքին գործերի նախարարությունը հայտնում է, որ Իրանի արտաքին գործերի նախարար Աբբաս Արաղչին իր չինացի գործընկեր Վան Իի հետ բանակցությունների ժամանակ ընդգծել է Հորմուզի նեղուցի արագ բացման անհրաժեշտությունը։

«Արաղչին հայտարարել է, որ քաղաքական ճգնաժամը չի կարող լուծվել ռազմական ճանապարհով։ Իրանը վճռականորեն կպաշտպանի իր ինքնիշխանությունն ու ազգային արժանապատվությունը՝ միաժամանակ ձգտելով համաձայնության և համապարփակ, երկարաժամկետ լուծման՝ խաղաղ բանակցությունների միջոցով։

Ինչպես նա նշել է, Հորմուզի նեղուցի բացման հարցը պետք է լուծվի հնարավորինս շուտ», - ասվում է Չինաստանի արտաքին գործերի նախարարության կայքում հրապարակված հայտարարության մեջ։