«Уральских пельменей» աստղը ներկայացրել է իրենից 26 տարով փոքր սիրեցյալին

Ռուսական «Уральских пельменей»  հումորային նախագծի դերասան Սերգեյ Իսաևը հանրությանը ներկայացրել է իր նոր սիրեցյալին։ Ինչպես հայտնում է E1-ը, 54-ամյա արտիստը հարաբերությունների մեջ է 28-ամյա մոդել և դերասանուհի Վիտալինա Պրոտասովայի հետ։

Իսաևը սոցիալական ցանցերում հրապարակել է լուսանկարներ և տեսանյութեր, որտեղ երևում է, թե ինչպես է արտերկրում հանգստանում նոր ընտրյալի հետ։ Ըստ լրատվամիջոցի՝ զույգը նախկինում ևս միասին հայտնվել էր հանրության առաջ․ նրանք բեմ էին բարձրացել «Уральских пельменей»  ամանորյա շոուի ընթացքում։

Հայտնի է, որ Վիտալինա Պրոտասովան ծնունդով Տոմսկի մարզից է, ապրում և աշխատում է Մոսկվայում, ինչպես նաև մի քանի տարի բնակվել է Պորտուգալիայում։ Սերգեյ Իսաևը դեռ 2024 թվականին հայտարարել էր, որ զուգընկերուհի է փնտրում։ Մինչ այդ նա երկար տարիներ ապրել էր չգրանցված ամուսնության մեջ, որտեղից ունի երկու երեխա։