Արևմուտքում քննադատել են Ուկրաինային՝ Ղրիմի վրա հարձակման համար

Իռլանդացի լրագրող Չեյ Բոուզը կոշտ քննադատության է ենթարկել Ուկրաինային՝ հայտարարելով, որ Կիևը խախտել է մայիսի 9-ի հրադադարը՝ հարվածներ հասցնելով Ղրիմին։ Նրա գրառումը հրապարակվել է X սոցիալական ցանցում, փոխանցում է «Лента.ру»-ն։

«Կիևը հարձակվում է Ղրիմի վրա՝ Զելենսկու հայտարարած «լռության ռեժիմից» ընդամենը րոպեներ առաջ, իսկ հետո հրաժարվում է պահպանել Հաղթանակի օրվա հրադադարը՝ մեղադրելով Ռուսաստանին խախտումների մեջ», — նշել է Բոուզը։

Ավելի վաղ Ղրիմի ղեկավար Սերգեյ Ակսյոնովը հայտնել էր, որ Ուկրաինայի զինված ուժերի անօդաչու սարքերը մայիսի 5-ի երեկոյան հարձակվել են տարածաշրջանի վրա։ Ջանկոյում հարվածների հետևանքով զոհվել է հինգ մարդ։ Սևաստոպոլի նահանգապետ Միխայիլ Ռազվոժաևն էլ հայտարարել էր, որ քաղաքի մերձակայքում խոցվել են չորս անօդաչու թռչող սարքեր, իսկ քաղաքացիական ենթակառուցվածքները չեն վնասվել։